【DSE放榜丨JUPAS 2025】大學讀邊科最好前途？入到Medic、Dental下半世無憂？BBA最穩陣？但點解唔好讀Law？

2024-08-06

【DSE放榜丨大學讀邊科最好？】文憑試（DSE）是一眾考生的難關，相信大家對前景、大學選科等方向都感到十分擔憂。曾有網民在Facebook專頁「CUHK Secrets」發文，將大學各個學科的前途評為A、B、C及D級，引起極大迴響。事主指讀醫科或牙醫的人都是人中之龍，可以確保「下半世無憂」；他又不建議大家讀法律、社工及藥劑等科目，因為行業面對飽和情況，前途堪虞，大家又是否同意？

延伸閱讀：【DSE放榜2024】Appeal文憑試成績分兩種　覆核成功率有幾高？5* VS 5**有何分別？

想參閱更多JUPAS相關資訊，可參考考評局官方網頁。
【日程丨香港中學文憑考試成績覆核丨補選結果】

你認不認同投稿人的學科評級呢？（按圖了解）

+20

+19

►最新【醫療服務】職位空缺

大學讀邊科最好前途？投稿人咁認為……

A：醫學院（Medic）
A-：牙醫（Dental）
B+：量化金融學（Q Fin）、三大GBUS/IBGM
B：精算、獸醫、建築
B-：港大BLaw/測量、三大教育雙學士、Nursing、職業治療、Computer Science、土木工程
C+：放射治療、理大測量、非三大教育
C：三大BBA/Hotel/環球經濟與金融（GLEF）、港大Law/AGLaw、中大BLaw、三大其他Engine、三大社工
C-：中醫、言語治療、醫療化驗科學、視光
D+：藥劑、物理治療、非三大商科/Hotel、非三大社工
D：中大/城大Law、新聞傳理、三大Arts/Sci/Soc Sci、三大生物醫學、非三大Engine、幼兒教育
D-：非三大Arts/Sci/Soc Sci、Design/Fashion/Textile

延伸閱讀：【大學排名】2024 THE大學影響力排名出爐香港5間大學上榜科大奪冠！

投稿人：「喺香港生存好難，入得B級或以上嘅學科，都係人中之龍。17、18歲入到Medic/Dental嗰一刻，已經幾乎可以肯定下半世無憂，起碼可以月入10幾萬，過到中上產嘅生活。月入（甚至每星期收入）一球嘅都大有人在，又有社會光環，受到大家景仰，係真正嘅人生贏家。QFin同三大Gbus無咁穩陣，但只要大學期間唔係太懶，出路普遍都好，上限拍得住成功嘅醫生，下限同普通三大BBA差唔多。」

他續說︰「其他各行各業都係前途麻麻，好多貌似專科已經或好快會飽和，而且社會唔係完全認同佢哋嘅專業。而家真係唔建議揀Law／社工／藥劑／物理治療／言語治療，讀咗呢啲專科如果無工開／只係搵到好低人工，仲慘過讀普通科。因為讀書期間接觸到嘅知識好狹窄，淨係識自己科嘅嘢，普遍都唔會做其他範疇嘅intern刷CV。香港始終係商業社會，BBA出路比其他非專科好。整體嚟講香港都係難生存㗎啦，可能移民外國會比較多機會。」

延伸閱讀：【大學面試攻略2024】一文睇晒事前準備、常見問題幫你輕鬆應對大學面試

►最新【工程】職位空缺

大學讀邊科最好前途？網民咁樣睇……

此帖文引起網民激烈討論，有人認為上述評分已不合過宜，只是「得啖笑」的笑話；亦有人批評投稿人思想膚淺，將前途與「錢途」掛勾，當文科人不是一回事，「個排名窮得只剩錢」。

事實上，大學選擇讀哪個學科，除了考慮市場人手需求及薪酬外，個人興趣也很重要。如果你對該科目欠缺熱情和渴求，在學習階段想必十分痛苦，結果也未必理想。引用其中一位網民所言：「一句講晒你個人掂就掂，讀咩科都係假，行行出狀元。人生唔係只係得錢，如果你真係做到你鍾意嘅嘢呢個先係無價！」

延伸閱讀︰【DSE放榜丨升學途徑】高級文憑(HD) VS 副學士(Asso) 邊個出路好啲？升U機會邊個高啲？完整入學要求、學費、院校選擇、優缺點比較

延伸閱讀︰【DSE】大學有咩科搵到食又唔會太大壓力？DSE考生對前路感迷惘：好似做咩都死⋯⋯

網民盤點大學「10大伏科」

職涯規劃及未來選科路向需要認真思考，不過，早前亦有網民在連登討論區以「大學有咩科係中學生以為好吸引，但其實好大陣伏味？」為題發文，吸引大批網民留言，掀起熱烈討論。那麼究竟有甚麼科目被視為「伏科」？以下為大家盤點出「10大伏科」，其中IT及傳理可謂高票當選，而BBA及一些相關的商科主修科目同樣榜上有名，未知各位學生/打工仔又是否認同？

傳理
IT
心理學
飛機工程
BBA
藥劑
會計
經濟
公共衞生
酒店管理

+18

+17

俗語有云︰「行行出狀元。」不論是哪一科畢業，每個學生都有突圍的機會；在學期間學習到相關知識，建立起人脈，不一定要讀「神科」才有出頭天。只要時刻裝備好自己，持續進修，把握並爭取更多機會，就可以闖出一片天。

►最新【人力資源】職位空缺

►最新【資訊科技】職位空缺

JUPAS常見問題FAQ

Q︰2024年JUPAS邊科最多人爭？

A︰根據8間資助大學的回覆統計，以下是2024年10大競爭最激烈的學科（首輪聯招改選）︰

大學	課程	學額	Band A申請人數	每學額競爭人數
香港教育大學	歷史教育榮譽學士	10	429	43
香港教育大學	體育教育榮譽學士	26	1,109	43
香港中文大學	教育學士（健康與體育運動科學）	17	687	40
香港教育大學	體育科學及教練榮譽理學士	24	906	38
香港浸會大學	體育及康樂管理文學士（榮譽）	22	768	35
香港浸會大學	傳理學學士（榮譽）——遊戲設計及動畫主修	20	670	34
香港中文大學	教育學士（幼兒教育）	21	684	33
香港城市大學	社會及行為科學系選項︰社會科學學士（犯罪學及社會學）、社會科學學士（心理學）、社會科學學士（社會工作）	10	329	33
香港城市大學	社會科學學士（社會工作）	27	785	29
香港浸會大學	電影電視文學士（榮譽）	18	495	28

►最新【教育】職位空缺

Q︰如果DSE成績未如理想，有甚麼出路？

A︰如果成績未如理想，大家可考慮升讀高級文憑（HD）或副學士（Asso）。兩者在課程內容、入學要求、學費、入大學機率等方面都有所分別，大家不妨參考以下網址，了解更多。

►【DSE放榜丨升學途徑】高級文憑(HD) VS 副學士(Asso) 邊個出路好啲？升U機會邊個高啲？完整入學要求、學費、院校選擇、優缺點比較

Q︰大學讀咩最有前途？

A︰根據網民留言，醫學院（Medic）及牙醫（Dental）都是較有前途的科目。而社會科學類別的科目，如社工、傳理等的出路則比較狹窄。不過，學生應根據自己性格、長處、興趣等來挑選適合自己的科目，不論是哪一科畢業，每個學生都有突圍的機會；在學期間學習到相關知識，建立起人脈，不一定要讀「A級科目」才有出頭天。

延伸閱讀：【大學學費】政府擬加大學學費分3年每年加幅5至9%