【職場熱話】網民：英文夠流利就好容易做到高層 提升語言能力對職涯的三大好處

在企業全球化的影響之下，語言能力的運用愈加受到公司重視，當中以英文會話能力為首要。說得一口流利英文，更可能成為獲得工作機會的不成文規定。近日就有網民在討論區發文指：你只要英文夠叻。不論係廢人、無料定吹水怪都可以做到高層！帖文中提及樓主不滿同事因英文能力好，而得到晉升機會，並認為英文的重要性大於一切其他因素。

按圖即看樓主經歷：

+2

+1

根據我做嘢 10 多年來嘅經驗同觀察，有家底到國外讀書或香港讀到三大，而英文夠叻夠流利嘅話，喺香港呢個社會，好容易就可以做到高層。

即使你喺嗰一個行業唔熟悉，或者根本唔熟嗰一行業工作，但係因為你英文叻，往往上位就比人更加快。

呢一個係香港職場好怪嘅現象，在香港好多大公司入面，大多係無料，卸膊，擦鞋狗嘅人，偏偏呢班人最容易就上到位。

中上層卸膊，下層做到狗。愈無料，愈廢嘅人，在香港做越容易做到高層。英文真的咁重要嗎？

同一個行業，同一個工作，點解好多公司，寧願出高人工高職位，請一個有家底，但只有2、3年經驗既人。而不考慮請一個有 10 年經驗既人？真不明白。

帖文立即引來不少網民議論，很多人認為英語能力等同於找到商機的能力，固然為公司帶來莫大效益；並指出樓主若果不明白這一點，當然工作十數年都無法升職。同時，亦有人認為個人語言能力，並非成為高層之必要條件，綜合管理能力才能勝任高職位工作。

按圖即看網民留言：

+12

+11

網民 A：識吹水=易識人多/快=搵到生意，搵生意重要過識做。

網民 B：英文好，係打開個門，去另一個世界。每日都即時吸收新事新物，當你等出中文版先理解，英文好的人已知一變三；當你知一變三時，他人已知一變九。

網民 C：如果識英文就得，隨便請個美國乞丐嚟香港都可以做高層。

網民 D：Hku 畢業邊個英文唔叻？大把人英文叻，高層無大把位。

網民 E：應該係有能力的人多數英文唔差。如果你係有料，但唔識英文，公司貼埋個翻譯 24 小時又點話？

網民 F：把口叻同英文好都係能力嘅一種，如果你覺得你能好強但上唔到位，代表你個能力唔多適合你做緊嘅野。

網民 G：做得中上層，用人嘅能力比個人能力重要。

網民 H：小弟呢份工作做了 9 年半，而呢個行業就十七八年。眼見識擦鞋就上到位，被推上去入 Board，而呢班人有個共通點係：流利英文，好有錢有家底。

網民 I：英文唔係技能啊？講到咁易?

網民 J：唔洗高層，「chok」到口音，大學喺外國讀，hea 下都呃到飯食，都算普通至中層位。

網民 K：有錢有家底，變到人都有自信，好易就做到高職位。

網民 L：樓主以為英文叻只係英文語言能力好，唔怪得 10 幾年都上唔到位。

網民 M：高層主要能力唔係英文，係有解決結構性問題和識用同分配人能力，有良好應變處理能力，識規劃，風險評估，敏銳偵測異常情能力，凝聚力，高抗壓能力等。

網民 N：上到去做高層，經常要發表公開講話。你英文廢，疾疾下點服眾？點代表公司去networking? 影衰公司？

綜合網民回覆，英文能力的確不是升職加薪的唯一準則，成為高層還需具備一系列管理技能。但不可否認的是，學好英文或其他各國語言，的確能讓你把握更多工作機會，在這瞬息萬變的時代下穩住陣腳，對長遠職業生涯而言有莫大幫助。

提升語言能力對職涯的 3 大好處 (按圖即看)

+6

+5

容易獲得海外工作機會

正如網民回覆所言，語言能力的提升讓我們開啟了另一個世界的門，與世界接軌。以英文為例，它作為全球最常用語言之一，有將近 20 億人使用英文作他們的第一或第二語言。當你擁有一定英文水平時，就更容易受到國際企業的青睞。即便你在本地公司工作，都有機會面臨公司擴充或與外商交流的機會。這時候，若你能展現自己優秀的語言能力，自然有機會獲派到外地出差，甚至擔任公司在其他國家分部設立的重要職位。

容易拓展職場人際脈絡

不論你在本地或國際企業工作，都有機會遇到不同國籍的同事，這時候語言能力便能派上用場。擁有共同語言時，不但可以提升溝通效率，更能加強工作效能。同時，大部分職場環境要求團隊及合作性，掌握良好語言能力便能避免誤會發生。當你擁有以外語表達自己的能力時，甚至可以在上司和同事面前表現更多，當互相更了解對方，自然更容易拓展職場人際脈絡。

容易吸收國際最新資訊

在這個科技迅速發展的時代裡，我們很多時候也需要搜尋國際資訊，以配合工作內容需求。而網路上，一般以英文為主要語言的網站居多，如果打工仔要等到各大網站將內容翻譯成中文後才掌握到資訊，就已經慢了別人一步。以國際金融行業為例，員工需要跟進國外金融行情的即時更新，每分每秒間的變化已經能夠造成十分大的影響。故此，提升語言能力讓我們更容易吸收國際最新資訊，繼而在職場競爭上更勝人一籌。

延伸閱讀：【職場熱話】新同事英文差到嚇親人 打工仔話英文好同事都會感激你？

延伸閱讀：【職場英語】好怕用英文開會？記實10句常用會議英語唔怕口啞啞

延伸閱讀：【職場英語】如何培養用英語思考？打工仔必學5個唔使死背嘅方法

最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像