【職涯規劃】持中六畢業學歷想賺錢應該入行做保險定地產經紀？

2022-06-23

在現今世代，大學畢業是搵工的基本門檻，少了這一張沙紙，對未來職涯發展有一定影響。若然學生考完DSE，希望持中六畢業學歷求職，又有甚麼選擇呢？最近有網民在討論區比較保險及地產行業優劣，指這兩個工種均毋須高學歷，適合中六畢業的打工仔。

延伸閱讀：【職涯規劃】第一份工點解重要？畢業後首份工作5大影響你要知

網民分析保險及地產行業：（按圖了解）

+11

+10

事主：「最近研究緊依兩行嘅生態，假設有一個人中六畢業想搵工，做保險定地產好？」

做保險好處：
- 金額較細，唔使吓吓幾百萬，容易啲搵身邊朋友買
- 佣金比做地產高，可以有保費三分之一
- 回佣文化無地產咁普遍
- 受經濟周期影響比較小，聯儲局加息減息都唔會影響人買保險

做保險壞處：
- Chur得濟會斷六親
- 通常都無底薪
- 一般人唔會突然間想買保險，啲客要自己搵

做地產好處：
- 金額大，一個月做一兩單就有肉食
- 普遍都可以咬底薪
- 搵地方住係必須，會有多啲街客主動approach
- 未聽過做地產會斷六親

做地產壞處：
- 會受經濟周期影響，今年年頭成交少上年一半
- 佣金比例低啲，仲要回返比人，啱啱入行無肉食
- 新盤周不時都有人代理打交搶客

網民意見：
網民Ａ：正正經經做ACO好過啦，做保險地位又低，又要充大頭鬼。

網民Ｂ：千祈唔好做保險，又要24/7湊客，又要擴闊圈子每日social好攰，又要俾人話保險狗。MDRT只係虛名（$420,000/年，除返開$35,000一個月），寧願做地產好過。

網民Ｃ：梗係做地產啦，簽完單收晒錢，agent可以拍拍囉柚走，無後續嘢煩。

網民Ｄ：兩邊一齊做得唔得？橫掂保險係自僱人士，應該可以part time做。

網民Ｅ：假設你持續做幾年，保險上到中層位啲佣金計落會穩定過地產，到時淨係管理下屬已經有錢分，唔使自己落手落腳做。

網民Ｆ：後生個陣兩行都做過，地產嘅workload大，大公司入面有幾萬個業主電話畀你瘋狂練口才。相反保險無data base畀你，唔好話開單，你想搵個人sell都難。

網民Ｇ：兩樣都係屎，不過中六學歷無得揀，睇吓你本身對地產定保險有興趣，有信心考邊個試囉。

如果打工仔想入行做保險或地產，首先要考取相關牌照：

1) 保險中介人資格考試

考試分為試卷一、二、三、五、六，分別是保險原理及實務、一般保險、長期保險、投資相連長期保險及旅遊保險代理人考試試卷。想入行的話，試卷一及三是必考的最基礎試卷，若你之後想做更多方面的保險業務，可以再進修考取餘下試卷。如果選擇考全部試卷，報名費為$1,490。

即睇保險牌進修課程：https://bit.ly/3NcLTTt

2) 地產代理／營業員資格考試

地產牌照分為兩種，分別是營業員（俗稱細牌或S牌）及地產代理（俗稱大牌或E牌）資格。前者只可作為持牌地產代理公司的營業員從事地產代理工作，後者可以獨資或合夥經營地產業務，或成為地產業務董事。細牌及大牌考試費用分別是$650及$900。

即睇地產牌進修課程：https://bit.ly/3NcCY4z

凡提到保險行業，通常第一時間都會想起百萬圓桌（MDRT），這個獎項更被譽為壽險界的奧斯卡。MDRT是壽險理財專業人士的獨立國際組織，成立於1927年，遍佈全球70個國家及地區，代表著全球金融服務業最優秀的銷售專業人士。根據官方資料，2021年全球首100間最多MDRT的公司排名榜，香港佔了足足11間，總數超過1.5萬人。

邊間保險公司最多MDRT？符合咩資格可以拎MDRT？（按圖了解）